ဒုတိယ အကြိမ် မျက်ရည်ကျရသူ မဟာစန္ဒသူရိယ

အခုတလိုင်း ကျွန်တော့်စိတ်ထဲမှာ ဇာပိုင် ယောက်ယက်ခတ်နိန်စွာလဲ မပြောတတ်။ 

တခုခု အလိုမကျစွာလား မဆိုနိုင်။ 

ကိုယ့်စိတ်နာင့် အလိုမကျတိုင်း စိတ်ညစ်ရဖို့  စွာကလဲ မဖြစ်နိုင်။

လူဆိုစွာက လူအမျိုးမျိုး စိတ် အထွီထွီရာမနား။ 

ယေကေလဲ စိတ်က မကြီနပ်စွာတော့ အမှန်။ 

ကိုယ့်ကိုကိုယ် မကြီနပ်စွာက သေချာပါရေ။ 

ကောင်းပါဗျန်။ 

ယင်းချင့်က ကျွန်တော့်ဖက်က အမှားလား။ 

ဇာသူ့ဖက်က အမှားလဲ။

ယင်းပိုင်စွာကို ကြည့်ရေအခါ မပြည့်စုံစွာကစလို့  ပြောရဖို့  ထင်ပါရေ။

မိသားစုထဲမှာ မပြည့်မစုံဟိန့်ကေ စကားပြောရစွာတိတောင်မှ အခက်အခဲတိ ဖြစ်န်ိန်ရပါသိရေ။ 

အခုက ရခိုင်လူမျိုးတိနာင့် ပတ်သက်လို့  ပြောရဖို့  စကားပါဒေ။ 

ယင်းချင့်မှာ ကိုယ်က ရခိုင်လူမျိုးတိကို ထမင်းဝအောင် တလုပ်ချေတောင် မကျွှေးနိုင်သိရေအခါ ပြောရ ဆိုရစွာ လက်တုန်ပါရေလေ။

ယင်းပိုင်လဲ ကိုယ့်စိတ်ကို ဖျောက်ကြည့်ရပါသိရေဒေ။

ရခိုင်သမိုင်းထဲက ဘုရင်ကိုလွမ်းလို့  ကျလားခရေ မျက်ရည် မကန်ပါဗျန် ။ 

ကျေးဇူးတော်ရှင် ရခိုင် ရှင်ဘုရင်ကို ထီးတော်မိုးလို့  အနားမှာ ဒူးထောက် ခစားပနာ လားနိန်ချင်စွာပါကာ။

နန်းရာကုန်းက အပြန်မှာ အိမ်သူသက်ထား အရှင်မကို ရွှီနန်းသခင်က လက်ဆောင်ပဏ္ဍာ ချီးမြှင့်ပီးလိုက်တေ ဆိုစွာကို မျက်နှာလို မျက်နှာရ ပြောပြလိုက်ချင်ပါရေဒေ။

ကံဇာတာ မကောင်းလို့  ရွှီနန်းတော်လဲ ပျောက်ပနာ ရွှီနန်းသခင် ကျေးဇူးတော်ရှင် မင်းတရားကြီးကလဲ အဖမ်းခံ အဆီးခံနှာင့် ဖြစ်လားခရစွာမှာ ကျွှန်တော့်ရင်မနာ အသူနာပါဖို့ လဲယေ။ ဒေပိုင်အခြီအနိန်မျိုးတိကို မတွိချင်ပါဗျန်ကာ။ 

ရွှီထီးဆောင်းခစိုင်ကာလက ဤမြီဤနိန်ရာကား ဆွပ်ပျံ့ဘွယ်ကောင်းလောက်အောင် ရိပ်ကြီး မြိုင်ကြီးနန့်တောတောင်ရီမြီတိက စိမ်းလို့  စွပ်လို့ ။

အခုဆိုကေ ခြောက်သွိနိန်ပနာ သဲကန္တရ ပိုင် ခြောက်သွိလို့ ။

မဟာစန္ဒသူရိယမင်းက မြတ်စွာဘုရား ရုပ်ထုတော်ကို ရင်ငွ့တော် ခုနှစ်အုပ်နန့်  မြတ်မုနိဘုရားရုပ်ထုကို သက္ကရစ်-၁၂၃-ခုနှစ်မှာ တည်ထားခပါရေ။

ရခိုင်နိုင်ငံက ရခိုင်လူမျိုးတိက ဗုဒ္ဒဘာသာကို သက်ဝင်ယုံကြည်လို့  ကိုးကွယ်ခကတ်စွာဖြစ်တေ။ 

တနိန့် မှာ ရခိုင်နိုင်ငံ တ၀ှမ်းလုံး ဗုဒ္ဒဘာသာ နိုင်ငံဖြစ်ဗြီးကေ အခြားအိမ်နီးချင်း နိုင်ငံတိကလဲ ဗုဒ္ဒဘာသာဝင် ဖြစ်လားဖို့  စွာကို ယုံကြည်ခလို့  သွန်းလုပ် ကိုးကွယ်ခစွာလို့ဆိုကေ မမှားထင်ပါရေ။

ယေကေလဲ မြတ်မုနိဘုရားကို ဗုဒ္ဒဘာသာအယူဟိန့် ရေ အောက်ပြည် အောက်ရွာသားတိက သက္ကရစ် ၁၁၈၆-ခုနှစ်မှာ ယူဆောင်လားခပါရေ ။ 

စစ်ရှုံးရေ အခါ စစ်နိုင်ရေ လူတန်းစားတိက လူတိကို သုံ့ပမ်းအဖြစ် ဖမ်းယူလားရေ။ မြတ်မုနိ ရုပ်ထုတော်ကို လက်ချိုး ခြီချိုး လေးပိုင်း ပိုင်းပနာ အောက်ပြည် အောက်ရွာကို ယူလားခကတ်တေ။

ပြောချင်စွာက မဟာစန္ဒသူရိယမင်းက ရခိုငရှင်ဘုရင်ဖြစ်လို့  မြတ်စွာဘုရားက ခွင့်ပြုချက်ပီးလို့  ရင်ငွိတော်နန့်  သွန်းလုပ်ခစွာ။

အခုက စစ်နိုင်လားရေ အောက်သားတိက ရုပ်ထုကို လေးပိုင်း ပိုင်းပနာ ခြီတိ လက်တိ ခေါင်းတိ ချိုးပနာ ယူလားခကတ်တေ။  အဂင့်ဂင့်ရာ တမလွန်ဘ၀က မဟာစန္ဒသူရိယက လာလို့ ရာ ပြောနိုင်ခကေ ယင်းအချိန်က ငါ့မျက်ရည် ကျလို့  မဆုံးပါဒေလို့  ပြောဖို့  စွာက အသီအချာပါ။

အဂုတခါ ယင်းပိုင် နမူနာဖြစ်လာပါဗျန်ထော။ 

ရခိုင်ရှင်ဘုရင်ရို့ ထီးနန်းဥကင် ချက်မြှုပ်ရာ ရျွှီမြို့တော်မှာ ဗဟိုရ်စည် တိတ်လားခစွာ ကြာခပါဗျန်ကာ။

ယင်းပိုင် ဗဟိုင်္ရစည်အသံ သောသော မညံဘဲ နိန်ခစွာ နှစ်ပေါင်း နှစ်ရာကျော် ကြာလာရေအခါ ရခိုင်ရို့ နန်းတော်ကြီး၊ ရခိုင်ရှင်ဘုရင်ရို့ တည်ထား ကိုးကွယ်ခရေ ဘုရား ကျောင်းကန် ဇာတီ ပုထိုးတိကလဲ ဆည်းလည်းသံ မညံပါကားယေ။ 

လူသား အသက်ပေါင်း မြောက်မြားစွာ သီလားခရရေ ရခိုင်ရှင်ဘုရင် နန်းတော်ကြီးကား သွီးမခြောက်ဘဲ ဟိန့်နိန်ပါရေထော။ယင်းပိုင် ဘ၀နန့်  နိန်ခစွာမှာ အင်္ဂလိပ် လက်အောက် ရောက်ခါရောက်၊ ဂျပန် လက်အောက် ရောက်ခါရောက်နန့် နောက်ဆုံး အင်္ဂလိပ်လက်အောက် ရောက်လို့  ဘ၀ကို ကျွန်ဘ၀နန့်  အဆုံးသတ်ဖို့  ဖြစ်ခရပါသိရေယေ။

လွန်ခရေ -၆၃- နှစ်ကရာ ရခိုင်နိုင်ငံတော်က ရခိုင်နိုင်ငံရီးသမားတိ တော်လှန်ရီး သမားတိကရာ ဒေပိုင် လွပ်လွပ်ရီးကိုရာ လုပ်ခကတ်ဖို့  ပြောခကတ်ဖို့ဆိုကေ အဂု အချိန်မှာ ရခိုင်နိုင်ငံတော် လွပ်လွပ်ရီး ရလားခစွာ ကောင်းကောင်း ကြာလားခပါဗျန်ဒေ။

နှစ်ပေါင်း-၆၆- နှစ်မှာ ဒုတိယကမ္ဘာစစ်ကြီး မီးတောက်လောင်ခလို့  ကမ္ဘာတခုလုံး သီသူသီ ပျောက်သူပျောက်နန့်  ဖြစ်နိန်ခပါရေ။ 

ဂျပန်နိုင်ငံ ဟီရိုးရှီးမားနန့်  နာဂါစကီမြို့ ကို အနုမြူဗုံး ကြဲပလိုက်လို့ ဂျပန်နိုင်ငံက စစ်ရှုံးဗျန်လို့  လက်နက်ချရေ အခါ ရခိုင်လူမျိုးတိမှာ အကြီးအကျယ် အခွင့်ကောင်းတခု ရခကတ်ပါရေယေ။

ယင်းချင့်က ဂျပန်နိုင်ငံက လက်နက်ချလို့  ထွက်ဗြီးလားရေအခါ ရခိုင့်တော်လှန်ရီးသမားတိက ရခိုင်နိုင်ငံတော်ကို လွပ်လွပ်ရီး ရဗျန်ဆိုပနာ မကြေငြာ ခကတ်ပါဒေ။

နောက်တခါ အင်္ဂလိပ်ဘားက လွပ်လွပ်ရီး ပီးဖို့ဗျန်ဆိုရေ အခါမှာလဲ ရခိုင်နိုင်ငံတော်က လွပ်လွပ်ရီး လိုချင်ရေ ဆိုပနာ လှုပ်ရှားခရေ စင်းသီး ရခိုင်နိုင်ငံရီး သမားတိကား မပေါ်ခပါမနား။

ယင်းအချိန်က ဗမာနိုင်ငံရီး သမားတိနန့်  လားပေါင်းစွာမှာ ပြသနာတိ ရှင်းလို့ကား မကျီပါဗျန်ကားယေ။ ၁၉၄၈-ခုနှစ်မှာ မြန်မာနိုင်ငံ လွပ်လွပ်ရီး ရလားရေအခါ လက်နက်အားကိုးနန့်  တိုက်လို့  ရလားစွာကား မဟုတ်ပါဒေ။ 

ယင်းချင့်ကို သတိထားဖို့လိုပါရေ။

နိုင်ငံရီးအရ အောင်ဆန်းရို့က လှုပ်ရှားလားစွာမှာ ရခိုင်နိုင်ငံရီး သမားတိက ယင်းပိုင် အောက်သားတိနန့်  လားပေါင်းစွာမှာ ရခိုင်နိုင်ငံ လွပ်လွပ်ရီး ရလာစွာကား မဟုတ်ပါကားဒေ။ မရလိုက်စွာထက် ရခိုင်နိုင်ငံတော် ပျောက်လားခရေ စွာက ကောင်းကောင်းကြီး အခံရခက်ရစွာပါဒေ။

လွန်ရေ အချိန်က-၆၃-နှစ်ရာ ဟိန့် ပါသိရေဒေ။

ယင်းပိုင်ဟိန့် နိန်ရေအတွက် ရခိုင်နိုင်ငံရီး သမားတိက ရခိုင်နိုင်ငံတော်ကို လွပ်လွပ်ရီး အတွက် တညီ တညွတ်နန့် ဇာဖြစ်လို့  မလုပ်နိုင်ရဖို့လဲချင့်။ ဇာဖြစ်လို့  လက်နက်ကိုင် တော်လှန်ရီးမှာ တညီ တညွတ်တည်း မဖြစ်နိုင်ဘဲ ဟိန့်လီရဖို့လဲချင့်။

ကျွန်တော် ပြောခရေပိုင် ထမင်းတလုပ်ကို မကျွှေးနိုင်သိလို့ရာ ပြောရဖို့  စွာပါကာ။

ဇာဖြစ်လို့ဆိုကေ ကျွန်တော်ကရာ ထမင်းတလုပ်ကို ကျွေးခနိုင်ကေ ရခိုင်နိုင်ငံရီးသမားတိ တော်လှန်ရီးသမားတိမှာ ကျွန်တော်ပြောရေပိုင် ရခိုင်နိုင်ငံတော် လွပ်လွပ်ရီးမှအပ အခြား မဟိန့်ဗျန် ဆိုပနာ လုပ်ကတ်ဖို့  စွာပါကားယေ။ 

ယင်းချင့်က ရခိုင်လူမျိုးတိုင်းက ရခိုင်နိုင်ငံတော်ကို လွပ်လွပ်ချင်ကတ်စွာပါရာ။

အမျိုးကိုလဲ ချစ်ကတ်စွာပါရာ။

အင်္ဂလိပ်နယ်ချဲ့ ကို လွပ်လွပ်ရီးအတွက် နောက်ဆုံးတိုက်ပွဲ ၀င်ခစွာ မင်းသားကြီးရွှီဘန်းရို့ ဗြီးကေ ရခိုင်တော်လှန်ရီး သမားတိ ကွင်းဆက်ပြတ်လားခပါရေ။

ယင်းပိုင်နာင့်ပင် ရခိုင်နိုင်ငံရီး သမိုင်းမှာ ရခိုင်နိုင်ငံတော်အတွက် တော်လှန်ရီး ခေါင်းဆောင် မပေါ်ပေါက်ဘဲ နိန်ခစွာမှာ ၁၉၃၉-ခုနှစ်မှာ ပျံလွန်လားခရေ ဆရာတော် ဦး ဥတ္တမက ရခိုင်လူမျိုး ဖြစ်လီကေလဲ ရခိုင်နိုင်ငံတော် လွပ်လွပ်ရီး အတွက် မလုပ်ပြနိုင်ခစွာကို တွိ့ရပါရေ။

ဒုတိယကမ္ဘာစစ် ဖြစ်လာရေအခါ ဆရာတော် ဦးစိန္တာရို့ ဆရာတော် ဦးပညာသီဟ၊ ဘုံပေါက် သာကျော်ရို့ ပေါ်ပေါက်လာပါရေ။ 

ယေကေလဲ ရခိုင်နိုင်ငံတော် လွပ်လွပ်ရီးအတွက် လုပ်ခကတ်စွာ မဟုတ်ဘဲ အောက်ပြည်အောက်ရွာ နိုင်ငံရီးသမားတိနန့် လားလို့ ပေါင်းခီစွာမှာ ငါးပါးကြီး မှောက်လားစွာပါယေ။

နောက်ဆုံးမှာ ပင်လုံညီလာခံ စာချုပ်တိကို လက်မှတ်ထိုးကတ်လို့  ယင်းပိုင်နန့်ပင် မြန်မာနိုင်ငံ လွပ်လွပ်ရီး ရလားခစွာမှာ ရခိုင်ငံရီး သမားတိက ၀န်ကြီးနိန်ရာတိကို ယူလိုက်ဗြီးစွာနာင့် ရခိုင်နိုင်ငံတော်လဲ ပျောက်လားခရစွာပါရာ။
 

အခု တခါ ရခိုင် လူမျိုးတိ ကမ္ဘာတည်သရွိ့ ကျွှန်သက်ရှည်ဖို့  ဒုတိယပင်လုံညီလာခံ လုပ်ဖို့  ပြင်ဆင်နိန်ပါဗျန်ကာ။

ယင်းပိုင် ပြင်ဆင်နိန်စွာမှာ ရခိုင်လူမျိုးတိက ရှိဆုံးက ပါနိန်ပါရေထော။  ရခိုင်နိုင်ငံရီး သမိုင်းကို မသိလို့လား နားမလည်စွာလား မပြောတတ်ပါ။

ကျွန်တော် သိထားစွာ တခုက အောက်ပြည် အောက်ရွာသားတိနန့်  ပေါင်းလို့  ပထမ ပင်လုံမှာ ရခိုင်ငံတော် ပျောက်လားခရပါဗျန်။

အခုတခါ ဒုတိယပင်လုံညီလာခံ လုပ်လာကေ ကျိန်းသီလုံးဝ ရခိုင်နိုင်ငံတော်ပျောက်စွာ မဟုတ်ဘဲ ကမ္ဘာမြီပုံမှာ စုံးစုံးမြုပ်လို့ ပျေက်ကွယ်လားလီဖို့  ပါဗျန်ကာ။ 

ယေဇူးနာင့် ကျွှန်တော်စိတ်ထဲမှာ တစိချေလဲ စိတ်ထားကောင်းကောင်းနန့်  အခုတလိုင်း မဟိန့်ပါဒေ။ ကောင်းကောင်းကြီး စိတ်ညစ်နိန်မိပါရေ။

ယင်းပိုင်စွာမျိုးမှာ အခုတခါ ကြားလာရပါဗျန်ထော။

မြောက်ဦးမြို့က ရွှီဆင်းထုတော်တိကို အခုတခါ အောက်သား စစ်အစိုးရက လက်နက် အားကိုးနန့်  အနိုင်ကျင့်လို့ နေပြည်တော်ကို ယူလားဖို့  လုပ်လာကတ်ပါရေလတ်။ ကံကောင်းလို့ မြောက်ဦးမြို့သူ မြို့သားတိက ၀ိုင်းပနာ ကန့် ကွက်လို့  မယူဖြစ်ပါသိဒေ။

ရတနာမန်အောင် ဆရာတော်ကြီးက ယင်းပိုင်ဖြစ်နိန်ရေအချိန်မှာ အမေရိကန်နိုင်ငံမှာ သီတင်းသုံးလို့  ၀ိပသနာတရား ဟောကြားနိန်ရေ အချိန်ဖြစ်ပါရေ။ 

ဆရာတော်ကြီးက နယူးယောက်မြို့ မှာ ၀ိပသနာတရား စခမ်းဖွင့်လို့  သီတင်းသုံးနိန်ခကတ်တေအခါ တွိလိုက် ဖူးလိုက်ပနာ ပြောဖြစ်ခကတ်ပါရေ။ မြောက်ဦးက ရွှီဆင်းထုဘုရားနန့်  အခြားရှေးဟောင်းယိုင်ကျေးမူတိကို ရခိုင်ပြည်မှာရာ ထားသင့်ကြောင်းကို လျောက်ထားခကတ်ပါရေ။ ဒေဂုတော့ခါ ဆရာတော်ကြီး ပြန်လို့  ကြွလားခကတ်ပါဗျန်ဒေ။

ရခိုင်ပြည်က ဒုတိယပင်လုံညီလာခံ လုပ်ဖို့လို့ ကြွီးကြော်နိန်ရေ ရခိုင်နိုင်ငံရီးသမားတိကလဲ အခုဆိုကေ ရခိုင်နိုင်ငံတော်က ၇ွှီဆင်းထုတော် ဘုရားနန့်  ရခိုင်ရှေးဟောင်းဘုရား ယိုင်ကျေးမူ လက်ရာတ်ိကို  နေပြည်တော်ကို ယူလားဖို့  လုပ်နိန်စွာကို တခွန်းချေတောင် မယူကေ့လို့  ပြောသံမကြားပါသိမ့်။

နေပြည်တော်က သမတဦးသိန်းစိန် အနားမှာ ဟိန့် နိန်ရေ ရခိုင်တိုင်းရင်းသား တိုးတက်ရီးပါတီက ဥက္ကဌကြီးကလဲ အခုအချိန်ထိ ယင်းရွှီဆင်းထုတော်နန့်  ယိုင်ကျေးမူတိလက်ရာတိကို မယူပါကေ့လို့  ဟန့် တားစွာကို မကြားရပါသိ။

ရခိုင်သဟာယအသင်းကြီးနန့်  ရခိုင်စာပီယိုင်ကျေးမူ အသင်းကြီးတိကလဲ လုံးဝဟန့် တားရေဆိုစွာကို မကြားရပါသိကာ။

ကျွှန်တော်ကြားရစွာက မြောက်ဦးမြို့ သား မြို့ သူတိက အသက်ကို မကြောက်မရွံ့နန့်  သီချင်ကေ သီလီပတ်စီ ဆိုပနာ ဟန့်တားနိန်ကတ်စွာကိုရာ ကြားရပါရေဒေ။

နေပြည်တော်ကို တရက်မဟုတ်ကေ တရက်မှာ ယင်းဘုရားတိ ယူလားဖို့စွာက အသီအချာပါရာ။

လက်နက် အားကိုးနန့်  ယူလားဖို့  လုပ်ထားရေ အမိန့်ကို မဖျက်သိသမျှ လုပ်လာဖို့  စွာပါရာ။ ၂၀၁၀- နိုင်ငံတော်ဖွဲ့ စည်းအုပ်ချုပ်ပုံအခြီခံ ဥပဒေပြဋ္ဌာန်းထားစွာမှာ ရှေးဟောင်းယိုင်ကျေးမူတိကို နေပြည်သို့  ယူလားရဖို့  ဆိုစွာ မပါစွာကို ရခိုင်တိုင်းရင်းသားတိုးတက်ရိးပါတီက ပုဂ္ဂိုလ်ကြီးတိ သိကတ်ပါဖို့ စွာပါရာ။

လက်နက်လဲမဟိန့်  နိုင်ငံရီးပါတီကလဲ မဟုတ်ပါဘဲ ယိုင်ကျေးမူ အမွေအနှစ်ကို အသက်စွန့် လို့  ကာကွယ်နိန်ကတ်တေ အမျိုးသမီး( မမချေ )တိကို ရခိုင်နိုင်ငံရီး သမားကြီးတိက လက်အုပ်ချီလို့  ရှိခိုးဖို့  အချိန် ကျနိန်ပါဗျန်ဒေ။

ဇါပင်ဖြစ်ဖြစ် တခါက မဟာမြတ်မုနိဘုရား အလှူရှင် မဟာစန္ဒသူရိယမင်းက ဘုရားကို ရင်ငွိ့တော် ခုနှစ်အုပ်နန့် အုပ်လို့  လှူဒါန်းခစွာကို တမလွန်ဘ၀က မျက်ရည်ကျလို့  ငိုကြွီးဖူးခပါဗျန်ဒေ။

အခုလဲ မျက်ရည် မခမ်းသိရေ အခါမှာပင် လောကမဉ္ဖူ ရွှီဆင်းထုတော်ဘုရားနန့်  ယိုင်ကျေးမူတိကို စစ်နိုင်သူ အောက်သား လူမျိုးတိက အခုတခါ ယူလားဖို့  ပြင်ဆင်နိန်ရေ ဆိုစွာကိုသိရကေ မဟာစန္ဒသူရိယ မင်းကြီး  ဒုတိယ အကြိမ်မြောက် မငိုကြွီးဘဲ နိန်လီပါဖို့လားချင့်။ 

ပထမ တကြိမ်က ငါလှူခလို့  ငါမျက်ရည်ကျခစွာကို အခုအချိန်ထိ ရခိုင်လူမျိုးတိ သတိမရကတ်သိလားယေလို့  ပြောခကေ ကျွန်တော် ကိုယ့်ကိုယ်ကို ပြန်လို့  ကြည့်ပနာ ဇာပိုင် ဖြီရဖို့လဲ။ မပြောတတ်ပါကာ။

ခိုင်အောင်ကျော် ( နယူးယောက် )        

(ရခိုင်ရိုးမ သတင်းဌာနမှ ကူယူထားပါသည်)